Niqivut Silalu Asijjipalliajuq
ᑎᑎᕋᖅᐸᓪᓕᐊᓪᓗᒋᑦ ᐅᓂᒃᑳᕆᓪᓗᒋᓪᓗ ᐃᓄᔅᓯᐅᑏᑦ ᓂᕿᖏᑦ ᖃᐅᔨᒪᔭᑐᖃᐅᔪᑦ ᓄᓇᕗᒻᒥ
ᐃᓄᔅᓯᐅᑏᑦ ᓂᕿᖃᑦᑎᐊᕐᓂᓪᓗ
ᖃᐅᔨᓴᕐᓂᑎᓐᓂ ᓄᐊᑦᑎᓂᐊᕋᑦᑕ ᐃᓄᔅᓯᐅᑎᓂᒃ ᑐᙵᕕᒋᔭᐅᓲᓂᒃ ᓂᕿᓂᑦ ᓄᓇᕗᒻᒥᐅᑕᕐᓂᑦ. “ᓂᕿᓂᖅ ᑎᒍᒥᐊᕐᓂᖅ” ᓇᓗᓇᐃᖅᓯᔾᔪᑕᐅᔪᖅ ᐱᒻᒪᕆᐅᓂᖏᓐᓂ ᓂᕿᖃᕐᓗᓂ ᓂᕆᔭᔅᓴᖃᕐᓗᓂ, ᓂᖀᓪᓗ ᐱᒻᒪᕆᐅᒻᒪᑕ ᐱᖅᑯᓯᖏᓐᓄᑦ ᐃᓅᓯᕐᒧᑦ. ᕿᑭᖅᑕᓂ ᐃᓄᐃᑦ ᑲᑐ ᔾᔨᖃᑎᒌᖏᑦ ᓇᓗᓇᖅᓯᒻᒪᑕ ᓂᕿᓂᑦ ᑎᒍᒥᐊᕐᓂᕐᒥᑦ ᐃᑲᔪᖅᑐᐃᔾᔪᑕᐅᒻᒪᑦ “ᐱᖅᑯᓯᒥᑎᒍᑦ ᓄᓇᓕᓐᓂᓪᓗ ᑲᒪᒋᔭᐅᓗᑎᑦ ᓂᖀᑦ ... (ᑕᐃᓐᓇ) ᑎᒥᐅᔪᖅ ᐃᓄᐃᑦ ᖃᐅᒪᓂᖏᓐᓂ, ᐅᖃᐅᓯᖏᓐᓂ, ᐱᖅᑯᓯᖏᓐᓂᓪᓗ ᑲᔪᓯᖁᓪᓗᒋᑦ ᐊᒻᒪᓗ ᓄᓇᓕᓐᓂᑦ ᓇᒻᒥᓂᖅ ᐱᓇᓱᒍᓐᓇᕐᓗᑎᑦ”.
ᓂᕿᕗᑦ ᐱᓕᕆᐊᖑᔪᖅ
ᖃᐅᔨᓴᖅᑎᕗᑦ ᑕᑯᓐᓇᕐᖓᑕ ᓂᕿᑦᑎᐊᕙᓕᕆᓂᕐᒥᑦ, ᐃᓄᔅᓯᐅᑎᓂᒃ ᓂᕿᓂᑦ, ᓯᓚ ᐊᓯᔾᔨᐸᓪᓕᐊᓂᖓᓐᓂ, ᓂᕿᓂᓪᓗ ᑎᒍᒥᐊᕐᓂᖏᓐᓂ ᓄᓇᓕᓐᓂ ᐋᓐᓂᐊᖅᑕᐃᓕᒪᓂᕐᒥᑦ ᐃᓅᓇᓱᐊᑦᑎᐊᕐᓂᒥᓪᓗ. ᑎᑎᕋᕋᑦᑎᒍ ᐅᓂᒃᑳᕆᓪᓗᑎᒍᓪᓗ ᐃᓄᐃᑦ ᖃᔨᐅᒪᓂᖏᑦ ᐱᓕᒻᒪᔅᓯᒪᓂᖏᑦ ᐃᓄᔅᓯᐅᑎᓂᑦ ᓂᕿᒋᔭᐅᕙᑦᑐᓂᒃ ᓄᓇᕗᒻᒥ. ᐅᖃᐅᓯᕆᓪᓗᑎᒍ ᐃᓚᖏᑦ ᐆᒪᔪᓃᓐᖔᖅᑐᑦ ᓂᕿᒋᓪᓗᑎᒍ, ᐃᓄᔅᓯᐅᑏᓪᓗ ᐋᓐᓂᐊᓲᑎᒋᓪᓗᑎᒍ, ᓂᕿᑦᑎᐊᕙᑐᕐᓗᑕᓗ ᑎᒥᒧᑦ ᐱᐅᒻᒪᑦ ᐃᓱᒪᒧᓪᓗ. “ᓂᕿᕗᑦ ᓯᓚᓗ ᐊᓯᔾᔨᐸᓪᓕᐊᔪᖅ (NSAP): ᓂᕿᕗᑦ ᓯᓚᓗ ᐊᓯᔾᔨᐸᓪᓕᐊᔪᖅ” ᖃᐅᔨᓴᕐᓂᐅᔪᖅ ᑮᓇᐅᔭᖃᖅᑎᑕᐅᓪᓗᑎᑦ ᑲᓇᑕᒥ ᑎᒥᐅᔪᒥᑦ ᐋᓐᓂᐊᖅᑐᓕᕆᔨᒃᑯᓐᓂ ᖃᐅᔨᓴᕐᓂᕐᒧᑦ.
ᐱᓕᕆᐊᕗᑦ ᐅᓂᒃᑳᕆᓗᑎᒍ
ᖃᐅᔨᓴᕐᓂᕗᑦ
ᐅᓂᒃᑳᕆᖃᓯᐅᑎᓪᓗᒋᑦ ᐃᓄᔅᓯᐅᑏᑦ ᓂᕿᓕᕆᔾᔪᓰᑦ, ᐱᐅᖅᓱᐊᕐᓂᖅ ᓂᕆᔭᐅᓂᖏᓪᓗ, ᐊᒻᒪᓗ ᓄᓇᓕᓐᓂᑦ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ ᐅᔾᔨᓱᕐᓂᖏᓐᓂ ᐃᓱᒪᒋᔭᖏᓐᓂᓪᓗ.
ᖃᐅᔨᓴᕐᓂᕗᑦ ᐃᑲᔪᖅᑐᐃᓇᓱᐊᕐᓂᕐᒨᖓᔪᖅ ᓄᓇᓕᓐᓂ ᑎᒥᑦᑎᐊᕆᓐᓂᕐᒧᑦ ᓄᓇᕗᒻᒥ, ᐊᑐᐊᖅᓯᔾᔪᑎᒋᓪᓗᒋᓪᓗ ᑲᓇᑕᒥ ᐃᓄᐃᑦ ᐸᕐᓇᐅᑎᖏᓐᓂ ᖃᐅᔨᓴᕐᓂᕐᒧᑦ (NISR). ᐱᓕᕆᔪᒪᓪᓗᑕ ᐃᑲᖅᑐᐃᓗᑕᓗ ᐅᑉᐱᕆᔭᐅᔪᓂᒃ ᐃᓄᐃᑦ ᐸᕐᓇᐅᑎᖏᓐᓂ ᖃᐅᔨᓴᕐᓂᕐᒧᑦ (NISR), ᐊᒻᒪᓗ ᐃᑲᔪᖅᑐᕐᓗᒋᑦ ᐃᓄᐃᑦ ᓇᒻᒥᓂ ᐱᓇᓱᐊᕈᒪᓂᖏᓐᓂ ᖃᔨᐅᓴᕐᓂᕐᒥᑦ. ᓂᕿᕗᑦ ᐱᓕᕆᐊᕗᑦ ᓄᓇᕗᒻᒦᑦᑐ, ᐊᕐᓇᓄᑦ ᐃᓄᓐᓄᑦ ᐊᑐᐊᖅᓯᔾᔪᑕᐅᓪᓗᑎᑦ ᖃᐅᔨᓴᕐᓂᕐᒥᑦ ᑐᕌᒐᖏᓐᓂ ᐸᕐᓇᐅᑎᖏᓐᓂᓪᓗ, ᐊᐅᓚᑦᑎᓗᑎᓪᓗ ᖃᐅᔨᓴᕐᓂᕐᒥᑦ, ᖃᐅᔨᓴᖅᑐᓕᕆᓂᕐᒥᓪᓗ ᑲᒪᓗᑎᑦ, ᐅᖃᐅᔾᔨᒋᐊᕆᖃᑦᑕᕐᓗᑎᓪᓗ ᖃᓄᖅ ᑐᑭᓯᒋᐊᕈᑏᑦ ᐱᓯᒪᔭᐅᓂᐊᕐᒪᖔᑕ ᐅᓂᒃᑳᕆᔭᐅᑎᓪᓗ. ᐅᖃᓕᒫᕐᓗᑎᑦ ᖃᐅᔨᓴᖅᑐᓕᕆᓂᕐᒧᑦ ᐅᓂᒃᑳᕐᓂᑦ ᑐᑭᓯᒃᑲᓐᓂᕈᒪᓐᓂᕈᕕᑦ!
